Janë hequr të gjitha dyert e blinduara nga selia e Partisë Demokratike.
Këto dyer u vendosën disa ditë përpara protestës së 8 Janarit.
Ish-kryeministri Sali Berisha dhe anëtarë të tjerë të Komisionit të Rithemelimit kanë bërë thirrje për bashkim mes demokratëve.
Të Premten e javës së kaluar, gjykata e Tiranës njohu vendimet e Kuvendit të 11 Dhjetorit 2021, zhvilluar në “Air Albania”. Kuvendi shkarkoi Lulzim Bashën nga posti i kryetarit të PD dhe vendosi që partia të drejtohej përkohësisht nga Komisioni i Rithemelimit të PD, që përbëhet nga 29 anëtarë.
