Nga Spanja vjen një refuzim për Paulo Dybala. Pas tymit të zi në rinovimin me Juventusin, ne media qarkulloi lajmi dhe për një transferim të mundshëm të sulmuesit në Barcelonë. Mirëpo, siç raportojnë mediat, tekniku Xavi Hernadez e cilëson Dybalën si një lojtar të mbivlerësuar dhe jo funksional për projektin e tij taktik. Konsiderata këto që, pavarësisht marrëdhënies së shkëlqyer të lojtarit me presidentin Laporta, në fakt do t’i mbyllnin përfundimisht dyert e Barcelonës për Paulo-n.
Në Spanjë do të mbetej në interes vetëm Atletico Madrid pasi dhe Real Madridi, ka hequr dore nga argjentinasi. Megjithatë, interesi vijon në Itali dhe Angli. Në Serie A, hipoteza e Interit mbetet e gjallë për Paulo-n, por të gjitha bisedimet me zikaltrit shtyhen për në fund të sezonit dhe i nënshtrohen disa operacioneve në largim nga Marotta.
