Martesa e Wanda-s dhe Icardi-t është kthyer në qendër të vëmendjes. Nga Argjentina ka ardhur një lajm që shpjegon arsyen pse sulmuesi i PSG-së e ka shkarkuar pa u menduar dy herë truprojën që shoqëronte gruan e tij kudo në Buenos Aires.
Sipas gazetarit Diego Estevez, Wanda duket se ka patur një marrëdhënie me Agustin Longueira:
“Janë afruar shumë. Një marrëdhënie besimi dhe miqësie. Ai i ka ofruar shpatullën e tij dhe në një moment ka patur një bisedë. Ka ndodhur gjithçka në nivel emocional”.
Ngjarja ka ndodhur, gjithmonë sipas informacioneve të gazetarit argjentinas, gjatë udhëtimit që Wanda ka bërë në Argjentinë dhjetorin e kaluar.
“E ka ftuar në një festë private te Presidente Bar, ku Zaira ka organizuar festën e saj të ditëlindjes. Në fund të festës, një grup e ka vazhduar festën në apartamentin e Wanda-s. Në atë grup duket se ka qenë edhe Agustin, i cili duket se e ka takuar Nara-n me robëdëshambër në një moment”.
