Forcat ukrainase kanë vrarë një tjetër gjeneral rus. Lajmi konfirmohet nga Ministria e Mbrojtjes të Ukrainës, sipas të cilës gjenerali Yakov Rezantsev mbeti i vrarë në luftime.
Rezantsev vdiq në luftimet intensive në aeroportin Chornobaivka, një vend pranë Khersonit, të cilin forcat ruse e kanë përdorur si post komandë.
Gjenerali shërbente si komandanti i Ushtrisë së 49-të të Armëve të Kombinuara të Rusisë.
Disa ditë pas fillimit të pushtimit, Rezantsev ishte i bindur se sulmet ruse do të ishin të suksesshme brenda disa orësh.
Disa figura të larta ushtarake ruse thuhet se janë vrarë në fronte të ndryshme të ofensivës së Moskës.
Zyrtarët perëndimorë thanë se besonin se Ukraina kishte vrarë gjashtë gjeneralë. Rusia ka konfirmuar vdekjen e njërit, ndërkohë ukrainasit thonë se kanë vrarë 7 gjeneralë.
Duke folur për The Wall Street Journal, një anëtar i rrethit të ngushtë të Volodymyr Zelensky tha se Ukraina kishte një ekip të inteligjencës ushtarake të përkushtuar për të synuar elitën ushtarake të Rusisë.
Rezantsev është gjenerali i dytë që pretendohet se është vrarë në Chornobaivka, pasi gjeneral-lejtnant Andrei Mordvichev u raportua se kishte vdekur në aeroportin në periferi të Kherson të shtunën e kaluar.
