“Më të bashkuar, më të fortë, më të hapur”, është slogani i ri i demokratëve, që duket se do të shoqërojë edhe turin e takimeve të ish-Kryeministrit Sali Berisha me bazën e Partisë Demokratike, në kuadrin e një procesi bashkues.
Edhe më herët ish-Kryeministri ka përdorur një slogan të tillë, gjatë takimeve që nisi me bazën e PD, pas përjashtimin nga Grupi Parlamentar demokrat, më 9 shtator 2021, vendim ky që shkaktoi një nga përplasjet më të forta mes tij dhe Lulzim Bashës.
Sikurse shihet, fotoja reflekton logon e dikurshme të PD, që nga koha e themelimit të saj, imazh ky që u miratua nga gjykata një ditë më parë bashkë me ndryshimet statutore.
