Fqinjët e Arben Micit janë shprehur të prekura për vdekjen e 26-vjeçarit, i cili dyshohet se i vuri flakën me çakmak dhomës ku po qëndronte në komisariatin e Kamzës. Ato thonë se policia është fajtore për vdekjen e Micit.
“Djali nuk ka bërë gjë. Jo, jo. Djali pinte për vete i shkreti, të shtëpisë e çuan në polici. Policia e ndreqi!! E solli kufomë. E fute në burg, mos e vra. Jepi dënimin që i takon. Mos e digj me shkrepse. Ky është krim. O zot! Gjynah është fëmijë”, kanë thënë ato për Top Channel.
”Shtëpi e mirë, shtëpi fukarash, krejt fukara jena, familje e varfër, nuk di çfarë me thënë”, tha fqinja.
“Më iku truri si me qenë djali im”, tha fqinja tjetër.
