Portugalia do përballet me Maqedoninë e Veriut me datën 29 mars, në ndeshjen e vlefshme për finalen e Play off të Botërorit të Katarit. Futbollisti i portugezëve, Bernardo Silva nuk nënvlerëson aspak rivalin, edhe pse bëhet fjalë për një kundërshtar modest. Silva shprehet se pret një ndeshje të vështirë dhe gabimi më i madh që mund të bëjë ekipi i tij është të mendojë sfidën si të fituar.
“Sinqerisht nuk e dimë se çfarë ndeshjeje na pret. Maqedonia mund të luajë në bllok e gjitha mbrapa ose lart në presing. Kemi patur mundësinë ti vëzhgojmë në disa video dhe kemi kuptuar që janë një skuadër shumë agresive në duele, por kur ka topin mundohet që të ta luajë gjithmonë.Nuk presim një ndeshje të lehtë. Maqedonia ka ardhur deri në finale sepse e meriton. Kanë fituar përballë Gjermanisë dhe Italisë dhe kjo është një shenjë që janë një skuadër shumë e fortë.Kemi një detyrë të vështirë dhe duhet të japim maksimumin që të kalojmë këtë kundërshtar” – tha ai.
