Bashkim, protesta dhe sovranitet, ishin mesazhet që ish-Kryeministri Sali Berisha përcolli nga Tepelena dhe Përmeti ku zhvilloi Foltoret e para me demokratët në kuadrin e një procesi bashkimi mes demokratëve, sikundër u shpreh ai.
Berisha tha se demokratët duhet të bashkohen për të nisur përballjen me regjimin e Edi Ramës, duke mbushur sheshe e rrugë në atë që e konsideroi si protestat më të mëdha dhe më të fuqishme kundër Qeverisë.
Ish-Kryeministri tha se vendi po përballet me krizën e madhe të çmimeve. “Ne duhet të përballemi me këtë regjim. Por që të përballemi duhet të bashkohemi”, tha Berisha.
Duke folur për zhvilimet ne PD Berisha tha se, “misioni ynë është të bindim çdo njeri me të vertetat”.
“Një parti që nuk është sovrane nuk fiton kurrë”, tha lideri historik i Partisë Demokratike.
“Sovraniteti qëndron mbi jetët e gjakun e qindra mijëra shqiptarëve që kanë rënë në të gjithë kohrat për të qenë ky vend i lirë.
Ata që na kanë ndihmuar nuk e kanë bërë për të na caktuar deputetët në parlament por që edhe ne të përfitojmë nga liria.
Kjo parti do të punojë fort për marrëdhënje të shkëlqyera me BE dhe SHBA dhe e vendosur plotësisht në vlerat kombatare”, tha Berisha.
