Tre persona janë arrestuar nga policia e Tiranës që ka zbuluar një veprimtari prostitucioni në kryeqytet.
Në pranga u vunë:
- Z., 24 vjeç, banues në Vishnje, Tiranë, për veprën penale “Shfrytëzimi i prostitucionit”;
- H., 33 vjeçe, banuese në Kombinat, për veprën penale “Prostitucioni”;
- T., 33 vjeç, banues në Kukës, për veprën penale “Prostitucioni”.
Burime zyrtare nga blutë e kryeqytetit bënë me dije se janë zhvilluar disa muaj hetime nga prokuroria dhe policia. Referuar hetimeve, shtojnë të njëjtat burime, shtetasja E.H. ushtronte aktivitetin e kundërligjshëm të prostitucionit me klientë të ndryshëm kundrejt shpërblimeve monetare.
Ndërsa shtetasi A.Z., bënte ndërmjetësimin me klientët.
Burime shtuan se i arrestuari tjetër ishte klient.
“Nën drejtimin e Prokurorisë vijon puna për dokumentimin e plotë dhe identifikimin e personave të tjerë të përfshirë në këtë veprimtari të kundërligjshme”, njofton policia.
