Bateristi i Foo Fighters, Taylor Hawkins, ka ndërruar jetë në moshën 50-vjeçare.
Njoftimin për humbjen para kohe të bateristit e ka bërë grupi amerikan i rrokut në profilet e tij në rrjete sociale.
“Familja e Foo Fighters është e shkatërruar nga humbja tragjike dhe e parakohshme e të dashurit tonë Taylor Hawkins”, shkroi grupi i themeluar në 1994 në Seatle nga ish bateristi i Nirvanës, Dave Grohl.
Hawkins la pas gruan e tij Alison dhe dy fëmijë.
Ai u gjet i vdekur në një dhomë hoteli në veri të Bogotës, Kolumbi, ku grupi do të luante në një festival gjatë fundjavës. Shkaku i vdekjes së 50 vjeçarit akoma nuk është bërë i ditur.
Menjëherë pasi u njoftua për vdekjen e Hawkins, dhjetëra fansa së bashku me gazetarë filluan të mblidhen jashtë hotelit ku banda po qëndronte.
Grupi supozohej të luante në një festival në Bogota, Kolumbi gjatë një turneu në Amerikën e Jugut.
Koncerti i fundit i Hawkins ishte të dielën e kaluar në një tjetër festival në San Isidro, në provincën e Buenos Aires, Argjentinë.
