Më 10 prill do të nisë edicioni i dytë i “Just Dance” dhe vendin e moderatores Dojna Mema, e cila është në pritje të ëmbël, do ta zërë kolegia e saj, Nevina Shtylla.
I ftuar në emisionin “Wake Up”, koreografi e njëkohësit edhe autor i programit, Graciano Tagani, tha për Dojnën tha se ajo ishte një “motor”, ndërsa nga ana tjetër Nevina “serioze”. Tagani tha se është shumë i lumtur për bashkëpunimin me Memën e gjithashtu edhe për Shtyllën.
“Me Dojnën vjet kam qenë shumë i lumtur. Kemi pasur një bashkëpunim jashtëzakonisht shumë të suksesshëm, një energji fantastike dhe kuptoheshim të dy me sy.
Tani e njëjta gjë është edhe me Nevinën. Domethënë jam shumë i lumtur, nëse vjet Dojna kishte një energji të pashtershme, Nevina është ‘ok, çfarë do bëjmë’. I merr gjërat më seriozisht, është më e shtruar. Dojna është motor, Nevina shumë cute.
Jam shumë, shumë i lumtur që Nevina do jetë pjesë e këtij projekti sepse të thashë do t’i japë një faqe të re komplet, një risi, një ndryshim që nuk ka lidhje me Dojnën. Janë të dyja aq profesionale, sa realisht jam i kënaqur që Dojna ka qenë pjesë dhe Nevina është pjesë”- tha koreografi i njohur.
