Ministri Ulsi Manja ka paralajmëruar zyrtarët dhe ish-zyrtarët e administratës që kanë abuzuar me ligjin, se do të vihen para drejtësisë. Sipas Manjës, një hetim po bëhet aktualisht për abuzimet me pronat, rezultatet e të cilit do të dalin shumë shpejt.
“Hetimi është i shtrirë në kohë, janë nën hetim ish-zyrtarë e zyrtarë dhe ju siguroj se abuzuesit do të përballen me drejtësinë pavarësisht gradave”, ka thënë Manja.
Ministri i Drejtësisë ka përshëndetur veprimet e Prokurorisë pas një kallëzimi të bërë nga Drejtoria Antikorrupsion, që ka çuar në arrestimin e disa zyrtarëve e ish-zyrtarëve të kadastrës në Sarandë. Ai ka nxitur prokurorinë që të vazhdojë të rrisë performancën e saj.
“Asnjë zyrtar abuzues nuk duhet ta bëjë gjumin të qetë, pavarësisht postit që mban”, është shprehur ai.
