Deputeti demokrat Belind Këlliçi, u shpreh në “FRPD Talk” që sot po zhvillon punimet në Shkodër, se në zgjedhjet e 6 marsit kjo bashki tregoi se mbetet një bastion i së djathtës shqiptare.
Këlliçi tha se me 6 mars qytetarët e Shkodrës treguan se i qëndrojnë besnik vlerave të demokratëve, Partisë Demokratike dhe të së djathtës shqiptare.
“Falë fushatës model të të rinjve, sot Bashkia e Shkodrës, ka një kryebashkiak të ri, Bardh Spahinë, e cila mbështeti vlerat e konservatorizmit”, tha Këlliçi.
Bardh Spahia duke marrë fjalën në takim, tha se me 6 mars Shkodra tregoi se kush e ka shumicën në vend, se kush është opozita konservatore dhe fryma e konservatorizmit në Partinë Demokratike.
“Kjo fushatë tregoi se kemi një rini me shumë vlera, një rini shumë të motivuar, por që nuk gjejnë hapësira në vend dhe si zgjidhje shikojnë largimin”, tha Spahia.
