Kuvendi nisi seancën e sotme me replika mes mazhorancës dhe opozitës. Deputeti Edmond Sapo kërkoi nisjen e seancës me interpelancë dhe jo sipas rendit të ditës.
Kërkesa e tij u hodh në votim dhe u rrëzua nga shumica.
Referuar rendit të ditës, Kuvendi nis seancën e sotme me diskutime për mocionin për zhvillimin e debatit në lidhje me rritjen e përgjithshme të çmimeve dhe marrjen e masave të menjëhershme, kërkuar nga deputeti Enkelejd Alibeaj me cilësinë e Kryetarit të grupit parlamentar të PD-së.
Gjithashtu në rendin e ditës së Kuvendit është parashikuar interpelanca me Kryeministrin Edi Rama kërkuar nga një grup deputetësh dhe kërkesë për interpelancë me ministren e Infrastrukturës dhe Energjisë, Belinda Balluku kërkuar nga deputetët Albana Vokshi dhe Flamur Noka.
Megjithatë, kryeministri Edi Rama nuk ndodhet në Kuvend.
Video e postuar nga Rama në FB
Mësohet se Rama ndodhet jashtë vendit. Ai ka udhëtuar në Bruksel, ku këtë të Enjte mbahet një samit me drejtuesit e vendeve pjesë e NATO-s. Në këtë takim është dhe Presidenti amerikan, Joe Biden.
Nga një video e postuar prej tij në FB, shihet se Rama shoqërohet nga ministrat Niko Peleshi dhe Olta Xhaçka.
