Samiti i BE-së nuk do të sjellë sanksione të reja, thotë kryeministri holandez
Liderët e Bashkimit Evropian nuk do të bien dakord për sanksione të reja kundër Rusisë gjatë fillimit të samitit të tyre dy-ditor, ka thënë kryeministri holandez Mark Rutte.
“Nuk pres sanksione të reja konkrete sot”, tha Rutte pas mbërritjes në fillim të takimit, ku do të marrin pjesë të 27 liderët e vendeve anëtare të bllokut.
“Ne nuk mund të mendojmë për sanksionet me një grup kaq të gjerë, ne kemi nevojë për propozime. Ne kemi vendosur tashmë shumë sanksione, tani po hyjmë në një terren më kompleks.”
