Një 62-vjeçar, banor i Kamzës, është arrestuar nga policia pasi akuzohet se ka tentuar të vrasë bashkëjetuesen, duke e hedhur nga ballkoni.
Ndodhia është shënuar disa ditë më parë, por siç raportohet nga policia, është regjistruar fillimisht si aksidentale – të dy protagonistët e kanë raportuar si ngjarje aksidentale.
Pas disa ditësh hetimi, është arritur në përfundim se gruaja nuk ka rënë aksidentalisht nga ballkoni, por e ka hedhur bashkëjetuesi.
Ngjarja
Ngjarja ka ndodhur më 11 Mars.
Policia njoftoi se në dëshminë e saj, V.H. ka deklaruar se është rrëzuar aksidentalisht nga kati i tretë i pallatit ku banon. Në përfundim të veprimeve hetimore, efektivët bënë ndalimin me e D.I., 62 vjeç, për veprën penale “Vrasja për shkak të marrëdhënieve familjare” mbetur në tentativë.
“Ky shtetas dyshohet se më datë 11.03.2022, ka ushtruar dhunë fizike dhe psikologjike ndaj bashkëjetueses së tij dhe më pas e ka hedhur atë nga ballkoni i katit të tretë”, shtuan të njëjtat burime.
