Në emisionin “Të Paekspozuarit” në MCN TV, është diskutuar për ngjarjet në Partinë Demokratike, pas largimit të Lulzim Bashës.
Deputeti Luçiano Boçi, deklaroi se bashkimi duhet të ndodhë gradualisht, por nuk mund të ketë bashkim nëpërmjet përjashtimit.
“Ajo që zgjidh krizën është procesi zgjedhor. Legjitimiteti ndahet, ka ndarje të opinioneve. Nëse ne duhet të shohim ku qëndron problemi dhe zgjidhja, nuk duhet të barazojmë një dorëheqje me zgjidhjen, sepse është krejt gjysmake.
Bashkimi brenda PD-së, duhet të bëhet duke u reflektuar deri të forumet më të larta të PD-së, bashkimi është një proces. Nuk është komandë, përderisa themi që është proces, bashkim nëpërmjet përjashtimit nuk ka”, tha Boçi.
