Banorët e “5 Majit” dhe të “Laprakës” në kryeqytet kanë zhvilluar një protestë këtë të Enjte para parlamentit, ku po mbahet një seancë plenare.
Ata protestuan për të kundërshtuar shembjen e banesave të tyre, siç parashikojnë projektet qeveritare.
Duke folur për mediat, banorët hodhën akuza ndaj qeverisë.
Një prej protestuesve foli për figurën e ministres së Energjisë dhe Transporteve, Belinda Balluku.
“Balluku ka hallin e silikonit të vetë. I bën 50 mijë euro një operacion plastik. Ajo plastika që kanë në faqe u bëhet kancerogjen, se është bërë me lekët e fëmijëve tanë”, tha ai.
Akuza u hodhën dhe ndaj kryebashkiakut të Tiranës Erion Veliaj.
