Ministrja e Energjisë dhe Transportit, Belinda Balluku i bëri thirrje opozitës për bashkëpunim, “për tu kujdesuar për qytetarët”.
“Do ishte sh mirë që në kohë të tilla, në kohë luftë të kujdeseshim të gjithë së bashku për qytetarët”, tha Balluku nga foltorja e Kuvendit, këtë të Enjte.
“Ne për shkak të detyrës dhe mundësive që kemi si qeveri dhe si mazhorancë, por dhe ju si opozitë se i keni marrë votën qytetarëve, do ishte mirë të uleshit me ne të diskutonim mbi masat për të mitiguar këtë krizë dhe të bënim më të mirën dhe jo të përdorni çdo fatkeqësi, çdo fatkeqësi ta përdorni për ta kthyer në oportunitet për ju”, tha Balluku.
