Një qendër masazhesh ku ushtrohej prostitucion është zbuluar nga policia në kryeqytet, ndërsa tre persona janë arrestuar.
Operacioni i koduar “Camouflage 22” erdhi pas hetimeve disamujore dhe çoi në arrestimin e një administratores së qendër së masazheve, një punonjëse si dhe një klient.
Të arrestuar
Policia njoftoi se: specialistët e Seksionit për Hetimin e Trafiqeve të Paligjshme në DVP Tiranë, në vijim të punës për goditjen e paligjshmërisë, pas një pune të mirëfilltë hetimore disamujore, si dhe pas transmetimeve të pamjeve filmike në një nga emisionet investigative, u finalizua operacioni policor i koduar ‘Camouflage 22’, në kuadër të të cilit u bë arrestimi në flagrancë i shtetasve:
- H., 21 vjeçe, për veprat penale “Shfrytëzimi i prostitucionit” dhe “Mbajtja e lokaleve për prostitucion”;
- Y., 26 vjeçe dhe L. V., 25 vjeç, për veprën penale “Prostitucioni”.
Shtetasja S.H. administronte një qendër masazhesh në rrugën “Luigj Gurakuqi”, në të cilën kishte punësuar shtetasen E.Y., dhe përveç aktivitetit të regjistruar ligjërisht si qendër masazhesh, ushtronin dhe aktivitetin e kundërligjshëm të prostitucionit.
