Një operacioni policor po zhvillohet në Kavajë, ndërsa nga raportimet e para mësohet për disa persona të shoqëruar.
Raportohet se operacioni po kryhet nga policia lokale dhe forcat e reparteve speciale të Policisë së Shtetit, ndërsa ai ka lidhje me hetimet që janë kryer nga autoritetet e drejtësisë belge dhe ajo franceze.
Nga burimet jo-zyrtare mësohet se nga dy vendet e BE kanë ardhur letër porosi për arrestimin e 5 personave, por nuk dihet nëse janë ndaluar ose jo.
Nga raportimet mësohet se të shoqëruarit nga policia janë lëshuar nga komisariati pas verifikimeve.
Nuk dihet nëse ky operacion që po zhvillohet në Kavajë ka lidhje me operacionin e zhvilluar në Bruksel në mesin e muajit shkurt kundër një grupi shqiptarësh që dyshohet se merreshin me trafikun e armëve dhe narkotikëve.
