Gazetari Ronaldo Sharka, ka habitur me deklaratën e tij i ftuar në emisionin “Jeto me Orën”.
Teksa ishin duke folur për fenomenin “Silvio Berlusconi” ose “sugar daddy”, (persona të pasur në moshë të madhe që mbajnë të dashura në moshë të re), Ronaldo u shpreh se vajzat të cilat studiojnë dhe mbarojnë shkollën kanë përfunduar duke larë pjata në lokalet e Tiranës me rroga minimaliste.
Sipas gazetarit, këto vajza më mirë të zgjedhin një partner një “sugar daddy”.
“Unë mendoj që çështja që duhet të shtrojmë është të bëjmë moral për fenomenin sugar daddy apo të shtjellojmë fenomenin sugar daddy? Të shohësh vajza që studiojnë dhe hasen me provokime seksuale, dhunohen psikologjikisht dhe me katër diploma që i varin në mur dhe lajnë pjata nëpër lokalet e Tiranës për 250 mijë lekë, atëhere unë preferoj që këto vajza të zgjedhin një sugar daddy”- tha ai.
