Dy persona janë plagosur rëndë në një aksident të ndodhur këtë të Mërkurë në aksin Lezhë-Milot.
Një kamionçinë është përplasur me një motoçikletë dhe për pasojë janë plagosur dy persona.
Ata janë transportuar për në spital dhe sipas raportimeve paraprake, ndodhen në gjendje të rëndë.
“Në aksin rrugor Lezhë-Milot, automjeti tip ‘Ford’ me drejtues shtetasin A.P., është përplasur me mjetin motor me drejtues shtetasin A.M., dhe pasagjer shtetasin F.P., të cilët kanë marrë dëmtime dhe janë transportuar në spitalin e Traumës, Tiranë. Drejtuesi i automjetit shtetasi A.P. është shoqëruar në Komisariatin e Policisë Lezhë, për veprime të mëtejshme. Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes“, njoftoi policia.
