Përfaqësuesja e Kosovës në Kampionatin Botëror të sallave të mbyllura, Gresa Bakraqi, është përballur me një sërë shqetësimesh pasi organizatorët vendosën të mbulojnë flamurin e vendit të saj.
Përfaqësuesja e vetme e Kosovës u ankua për trajtimin që iu bë në Kampionatin Botëror të sallave të mbyllura, i cili u mbajt në Beograd të premten, të shtunën dhe të dielën dhe në të cilin performuan një numër i madh i yjeve të atletikës.
Federata Botërore e Atletikës premtoi se nuk do të ketë probleme për sportistët ukrainas, por harroi se Gresa Bakraqi, përfaqësuesja e Kosovës, mund të përballet me shumë shqetësime.
Dhe kështu ndodhi. Duke qenë se Serbia nuk e njeh pavarësinë e shtetit fqinj, në sallë janë fshehur të gjitha simbolet e Kosovës. Kur Bakraqi ka performuar, i kanë fshehur edhe flamurin e Kosovës në gjoks.
Nuk kishte asnjë shenjë të Kosovws as në sallë, as gjatë transmetimit televiziv. Vetë Bakraqi u ankua për kushtet me të cilat përballej.
“Është turp që organizatorët provuan gjithçka, u përpoqën të fshehin mbishkrimin Kosova në bluzën time, u ndjeva e diskriminuar dhe kërkova të njëjtin trajtim. Në fund performova me një bluzë me mbishkrimin KOS. Disa gazetarë donin të flisnin me mua, sigurimi dhe policia që më ndiqte vazhdimisht nuk e lejonte. Meqë ra fjala, nuk kisha asnjë problem”, thotë garuesja nga Kosova.
Atletja nga Kosova arriti që të zinte vendin e 17-të në mesin e 19 pjesëmarrësve në garën e 1500 m.
