Një aventurë për t’u harruar sa më shpejt për Andre Onana. Portieri aktual i Ajaxit por që ka firmosur me Interin, duke nisur nga 1 Korriku ka pësuar një aksident të frikshëm me makinën e tij.
Ngjarja ka ndodhur në Kamerun ku Onana po udhëtonte me Range Rover-in e tij dhe është përplasur kokë më kokë me nje tjetër fuoristradë.
Me shumë fat duhet thënë se askush nuk ka mbetur i plagosur në këtë aksident që duke e parë nga foto, është mrekulli që nuk pati të lënduar.
Për Onana vetëm një frikë e madhe nga përplasja teksa kjo periudh nuk ka qenë aspak pozitive për të.
Në Champions bëri gafën që i kushtoi eliminimin e Ajaxit ndaj Benficës ndërsa tani aksidenti teksa tifozët e Interit kanë nisur të hedhin mendimet e para për stilin e jetesës së blerjes së re nga Marotta.
