Jonila Godole, e emëruar muajt e fundit nga Lulzim Basha si një prej sekretareve në PD, shprehet kundër rikthimit të ish-kryeministrit Sali Berisha në drejtimin e kësaj partie.
“Donin dorëheqjen e liderit, e dha! E kërkuan dhe e dha, ku është parë kjo. Për mua humbja e zgjedhjeve të 6 marsit nuk është arsye për dorëheqjen e tij. E dimë se si u fut në zgjedhje. Ka diçka që nuk shkon, pse PD nuk merr dot elektoratin që mbushin sheshet në protesta.
Gjëja më normale do të ishte të tërhiqej edhe pala tjetër, i shpallur non grata. Kush do vijë në krye të PD? Një person jo non-grata. Një person nongrata nuk do të kishte mbështetje të ndërkombëtarëve. Nëse akti i Bashës shoqërohet me një hap pas të Berishës, atëhere PD do të çlirohej dhe gara do të hapej”, tha Godole.
Kjo e fundit ishte ndër zërat e parë mes mbështetësve të Lulzim Bashës që mbështeti vendimin për përjashtimin e Berishës nga PD dhe ka mbajtur qëndrime kritike ndaj ish-Kryeministrit pasi ai nisi turin e takimeve që i quajti “Foltore”.
