Trajneri i kombëtares italiane të futbollit, Roberto Mancini, është shprehur optimist për ndeshjet kualifikuese për Botërorin e Katar 2022.
Tekniku italian thotë se skuadra e tij nuk duhet ta marrë seriozisht ndeshjen e parë kundër Maqedonisë së Veriut.
Kampionët aktualë të Evropës do të luajnë kundër Maqedonisë së Veriut në gjysmëfinalen e play-off dhe nëse arrijnë fitoren, e cila pritet, atëherë do të luftojnë me më të mirën nga dueli midis Portugalisë dhe Turqisë për Kupën e Botës.
“Nuk po e marrim seriozisht ndeshjen kundër Maqedonisë së Veriut. Nuk do të jetë e lehtë, na presin dy ndeshje të vështira. Nuk duhet të ishim fare këtu, por tani që jemi, duhet të punojmë fortë”, tha Mancini.
Ai thotë se beson në cilësinë e kombëtares së tij dhe se beson se më parë nuk i kanë arritur rastësisht qëllimet, por ka cilësi të jashtëzakonshme.
“Ne kemi një themel të fortë, mendojmë pozitivisht dhe duhet të mendojmë se gjithçka do të shkojë ashtu siç duhet. Duhet të luajmë siç kemi luajtur deri më tani dhe jo rastësisht i kemi arritur qëllimet tona. Nuk kemi dashur t’i luajmë këto ndeshjet, por djemtë po ndihen mirë tani, është shumë e rëndësishme”, tha Mancini.
Në fund Mancini thotë se është optimist sepse në skuadrën e tij ka lojtarë që kanë fituar kampionatin evropian kur askush nuk e besonte se mund ta bënin. Ai shtoi se synimi i Italisë është të pushtojë botën dhe se parakushti i parë i saj është të festojnë në dy ndeshjet e ardhshme.
“Ne duam të shkojmë në Kupën e Botës dhe ta fitojmë”, përfundoi Mancini.
