Të rinjtë dhe të rejat e Forumit Rinor të Partisë Demokratike do të mblidhen për të folur hapur. Takimi do të organizohet ditën e nesërme në Durrës, ku të pranishëm do të jenë edhe të rinj republikanë amerikanë.
Në takim do të jetë edhe Rick Loughery, Kryetar i Young Republican National Federation.
“Për të shënjuar 30-vjetorin e fitores së parë të Partisë Demokratike, ne të rinjtë e FRPD, kemi kënaqësinë t’ju bëjmë të njohur nismën tonë #FRPDTalks, që synon hapjen e partisë ndaj kontributeve të reja dhe institucionalizimin e debatit të brendshëm, si të vetmen formë të demokratizimit të PD, hapjes, bashkimit dhe forcimit të saj.
Na janë bashkuar në këtë nismë të rinjtë republikanë amerikanë, delegacioni i të cilëve kryesohet nga Rick Loughery, Kryetar i Young Republican National Federation.
Jemi krenarë për bashkëpunimin afatgjatë me Young Republicans of America!
Shihemi nesër!’, shkruan deputeti Belind Këlliçi në Facebook.
