Epidemiologu veterinar Kujtim Mersini ka treguar ditën e sotme disa nga shenjat se si mund të dallohet një pulë e sëmurë nëse ajo tregtohet.
Sipas tij, tregtimi i shpendëve të infektuar është thuajse e pamundur për shkak të shenjave të dukshme të tyre.
Mirëpo duke marr parasysh rastin më të keq ai jep disa këshilla për dallimin e mishit të tyre nga edemat apo njolla të mavijosura në trup.
“Gjasat që pulat e infektuara të hidhen në treg janë shumë të vogla, por dhe sikur të mendojmë që një dashakeqës e bënë këtë gjë, nëse shpendi preket paraqitja e pulës nuk është si ajo që ne blejmë çdo ditë me lëkurë të pastër dhe pa dëmtime.
Pulat e infektuara kanë edema dhe njolla të mavijosura. Askush nuk do blinte një pulë që në sy të parë duket se nuk është normale”, tha eksperti veterinar.
