Analisti Baton Haxhiu duke komentuar zhvillimet në Partinë Demokratike, tha se esenca e problemit është monopoli i njeriut në parti dhe kjo është e lidhur me Sali Berishën.
“Ju nuk po e shikoni esencën e problemit, pse keni ardhur deri këtu. Esenca e problemit është monopoli i njeriut në PD. Ai është i lidhur me Sali Berishën”, tha Haxhiu.
Sipas analistit, Basha është gjetur thjesht më i dobët dhe është goditur.
“Mos më thoni që viti 2013, 2015, 2017 janë fuqi e Lulzim Bashës që të rri pa fuqinë e Berishës. Ju keni gjetur një njeri më të dobët për të goditur dhe nuk goditni kokën që e solli partinë në këtë situatë”, tha Haxhiu.
Ai tha se Bashën në krye të PD e ka mbajtur Berisha dhe askush nuk ka folur më parë as për dorëheqje, as për vota, as për zgjedhje.
“Ja ku e keni Fatbardh Kadillin, garoi dhe ju nuk e vlerësuat. Mbajti një nga fjalimet më të mira në Kuvend dhe nuk e vlerësuat. Problemi i asaj partie është Sali Berisha, si ka mundësi që brezi i ri ka idhull një 80 vjeçar”, tha Haxhiu.
