Anëtari i Komisionit të Rithemelimit, deputeti Belind Këlliçi, u shpreh sot se i vetmi lajm lidhur me Lulzim Bashën është se ai u largua nga zyra, pasi Kuvendi i 11 dhjetorit dhe më pas Referendumi i anëtarësisë, e kishin shkarkuar nga funksionet partiake.
Lulzim Basha u shkarkua si kryetar i PD me votat e 4446 delegatëve në Kuvendin Kombëtar të 11 dhjetorit dhe më pas vendimi u rikonfirmua edhe nga anëtarësia në referendumin e 18 dhjetorit.
Gjithsesi Basha nuk i njohu vendimet dhe vijoi të qëndrojë në krye të PD, duke mbajtur selinë, vulën dhe logon, ndërsa në zgjedhjet e pjesshme të 6 marsit caktoi kandidatë për kryebashkiakë në 6 bashki, ku në 5 prej tyre u rendit si forcë e 3-të.
