David Beckham i ka dhënë aksesin e llogarisë së tij në ‘Instagram’ Iryna’s, një mjeke ukrainase që punon në qytetin e Kharkiv.
Gjatë gjithë të dielës, postimet në Instagram të ish-futbollistit janë mbushur me video dhe fotografi duke ndjekur Irynën, një anesteziologe fëmijësh dhe drejtuese e qendrës rajonale perinatale, gjatë një dite në punë në mes të luftës.
Iryna u tregoi 71.5 milionë ndjekësve të Beckham bodrumin e ngushtë ku u evakuuan të gjitha gratë shtatzëna dhe nënat e reja gjatë ditës së parë të pushtimit rus. Ajo postoi fotografi të të porsalindurve në njësinë e kujdesit intensiv, ku ata mbështeteshin në gjeneratorët e oksigjenit të dhuruar nga ‘Unicef’.
Në një klip, ajo filmoi një nënë të re, Yana, duke mbajtur djalin e saj, Mykhailo, i cili lindi me probleme të frymëmarrjes dhe shtëpia e familjes së të cilit u shkatërrua. Iryna tha se ‘tani punon “24/7” dhe se ndoshta po rrezikojnë jetët e tyre, por nuk mendojnë fare për këtë. Ato e duan punën e tyre. “Mjekët dhe infermierët këtu, shqetësohemi, qajmë, por askush nga ne nuk do të dorëzohet.”– tha ajo
Ish-futbollisti Beckham, një ambasador i Unicef-it që nga viti 2005, u kërkoi ndjekësve të tij që të dhurojnë për bamirësinë, e cila po punon në Ukrainë për t’u siguruar familjeve ndihmesa në ujë dhe ushqim të pastër dhe duke ofruar pajisje të gatshme për përdorim në spitalet e lindjes dhe duke siguruar që shërbimet e mbrojtjes së fëmijëve të vazhdojnë.
View this post on Instagram
“Falë donacioneve tuaja, gjeneratorët e oksigjenit që kanë marrë po i ndihmojnë të porsalindurit të mbijetojnë në kushte të tmerrshme,” tha ai.
Kharkiv, qyteti i dytë më i madh i Ukrainës, ka qenë objektivi i vazhdueshëm ndaj sulmeve ruse për tre javë.
