Presidenti rus Vladimir Putin theksoi rrezikun e aktiviteteve biologjike ushtarake të Shteteve të Bashkuara në Ukrainë në një telefonatë me kryeministrin e Luksemburgut Xavier Bettel, njoftoi zyra për shtyp e Kremlinit në një deklaratë të Shtunën.
“U theksua gjithashtu se aktivitetet biologjike ushtarake të Shteteve të Bashkuara në Ukrainë janë të papranueshme dhe përbëjnë një rrezik të madh si për Rusinë ashtu edhe për të gjithë Evropën”, thuhet në deklaratën e cituar nga media shtetërore ruse “tass”.
Më 16 mars, Putin tha se Moska besonte se aktivitetet që synonin krijimin e komponentëve për armë biologjike kishin ndodhur në Ukrainë.
Sipas të njëjtit burim: Putin ka zhvilluar një tjetër telefonatë me kryeministrin e Luksemburgut Xavier Bettel, e dyta në një javë, bëri me dije zyra për shtyp e Kremlinit.
“Presidenti rus Vladimir Putin dhe kryeministri i Luksemburgut Xavier Bettel zhvilluan një bisedë telefonike, të iniciuar nga Luksemburgu. Në vazhdim të telefonatës së tyre të mëparshme, palët diskutuan situatën në Ukrainë dhe Donbas në lidhje me operacionin special ushtarak të Rusisë”, thuhet në deklaratë.
Putin dhe Bettel zhvilluan bisedën e tyre të mëparshme më 14 mars.
