Eksperti i ekonomisë, Pano Soko, paralajmëron se protesta do të vijojë sërish, dhe se tentativa për të shpërndarë qytetarët, nuk e shpëton dot kryeministrin Edi Rama.
Në një prononcim për mediat gjatë protestës, Soko deklaroi se Shqipëria nuk mund të mbetet peng i një “lunatiku që sillet sipas tipit të hënës”.
“Ne do ta ndjekim këtë çështje. Kryeministri duhet ta kuptojë, edhe sikur ta shpërndajë protestën, të hedhë gaz lotsjellës e të tjerë. Nuk e shpëton këtë gjë. Nuk jemi ne halli i tij, halli i tij janë çmimet, lekët që mungojnë.
Nuk e shpëtojmë dot, se nëse nafta shkon prapë 250 lekë për litër, këtu do kesh prapë 20 mijë veta. Pra nëse ai mendon se shpërndarja e kësaj proteste qetëson gjendjen dhe jemi në lumturi, jo nuk jemi.
Deri në momentin që do të plotësohen të gjitha kërkesat që janë sipas standarteve të vendeve të tjera, ose nëse nuk e bën dot, le të thotë dhe të iki. Nuk ka humbur Shqipëria për njerëz që dinë të drejtojë. Nuk mund të mbetemi peng e një lunatiku që vepron sipas hënës. Kjo është budalliku. Nëse nuk e bën, ka ky vend njerëz të zot sa të duash. Nuk vdes ky vend. Nuk e shpëton kryeministrin se u shpërndamë ne” , tha Soko.
