Xhuliano Skuka ishte mungesa e madhe e Partizanit në ndeshjen e sotme ndaj Kastriotit. Sulmuesi ishte i pezulluar me kartona dhe nuk kishte mundësi të ndihmonte skuadrën. Të kuqtë u mposhtën minimalisht 1-0, ndërsa humbën e një penallti. Skuka edhe pse nuk kishte mundësi të ndihmonte skuadrën në fushë, ishte i pranishëm në stadium për të ndjekur ekipin e tij.
23-vjeçari e ndoqi ndeshjen për pak minuta në tribunë, ndërsa më pas u bashkua me ultrastit e kuq. Lojtari ka postuar disa foto në rrjetet sociale teksa shihet edhe në versionin “ultras” duke valvitur flamurin e skuadrës së Partizani. Skuka firmosi me Partizanin gjatë merkatos së janarit dhe në 12 ndeshje të zhvilluara deri më tani në të gjitha kompeticionet ka arritur të shënojë 6 gola e të japë 3 asiste.
