Mbrëmjen e së enjtes u njoftua arrestimi i ish-Kryeministrit bullgar Boyko Borisov, një prej figurave kryesore politike në Bullgari në rradhët e së majtës.
Borisov njihej si një nga miqtë e Kryeministrit Edi Rama dhe çuditërisht ka një ngjashmëri të madhe në karrierë mes dy politikanëve. Si Borisov edhe Rama kanë qenë 3 herë kryebashkiakë të kryeqyteteve respektive, Sofjes dhe Tiranës.
Në arenën ndërkombëtare, si Borisov ashtu edhe Rama kanë pasur ose kanë raporte të mira me administratën amerikane dhe me ish-kancelaren gjermane Angela Merkel.
Të dy kanë pasur dhe janë akuzuar për lidhje me persona të inkriminuar, janë të fiksuar pas emërimit të grave në poste dhe funksione publike, dhe si Rama ashtu edhe Borisov para se të hynin në politikë janë marrë me sport.
Këto ngjashmëri evidentohen edhe një një postim në rrjetet sociale nga gazetari Lutfi Dervishi, i cili bën një profil të ish-kryeministrit bullgar, Borisov.
Postimi nga Lutfi Dervishi
Ish-sportist i viteve 80; kryebashkiak i kryeqyteti; tre herë kryeministër. Mik i amerikanëve dhe i Merkelit.
Enturazhi i tij përbëhet nga persona që përmes firmës dhe ndikimit të tij nxjerrin fitime të majme nga fondet publike.
Një pjesë e tyre, me të shkuar kriminale. Ka abuzuar me fondet europiane sidomos ato të rrugëve dhe tuneleve.
I fiksuar që në kabinet të emëronte gra dhe vajza.
Eshtë personi që nënshtroi drejtesinë, mediat dhe gjithçka e bën nga, me dhe për oligarkët që gravitojnë rreth tij.
Ky është profili i ish kryeministrit bullgar që mbrëmë përfundoi në prangat e policisë.
