Shorti i hedhur këtë të Premte në Nion të Zvicrës zbardhi përballjet çerekfinale të Ligës së Kampionëve.
Rivaliteti anglo-spanjoll vihet re në dy sfida që mund të cilësohen edhe si më të fortat e çerekfinaleve.
Kampioni në fuqi Çelësi do të diskutojë kualifikim për në gjysmëfinale me spanjollët e Real Madrid, në një përballje që mund të konsiderohet pa dyshim një finale e parakohshme.
Një tjetër dytakim i luftuar pritet edhe ai mes Mançester Sitit dhe skuadrës tjetër të Madritit, Atletiko, me spanjollët që arrijnë në këtë fazë të kompeticionit duke eliminuar një ekip po nga Mançesteri – M.Juanjtid.
Më të lehtë për tu kaluar, të paktën në letër, duken kundërshtarët e Bajern dhe Liverpul. Gjermanët do të luajnë me Vijareal, skuadër që megjithatë ka bërë një paraqitje mjaft pozitive deri tani, duke surprizuar me eliminimin e Juventusit, pas fitores 0-3 në Torino.
Takimi i fundit është ai mes Liverpul, që eliminoi Interin në fazën paraardhëse dhe Benfikës, që mundi Ajaksin.
Shorti i hedhur këtë të Premte zbardhi edhe sfidat gjysmëfinale. Kështu, fituesi i çiftit Mançester Siti – Atletiko Madrid luan me fituesin e çiftit Çelësi – Real Madrid. Fituesi i çiftit Benfika – Liverpul luan me fituesin e çiftit Vijareal – Bajern Mynih.
Ndeshjet çerekfinale do të luhen më 5/6 Prill (ndeshja e parë) dhe 12/13 Prill (kthimi), ndërsa gjysmëfinalet janë planifikuar për datat 26/27 Prill (ndeshja e parë) dhe 3/4 Maj (kthimi).
Çerekfinalet
Çelësi – Real Madrid
Mançester Siti – Atletiko Madrid
Vijareal – Bajern Mynih
Benfika – Liverpul
Gjysmëfinalet
Fituesi i Mançester Siti – Atletiko Madrid VS Fituesi i Çelësi – Real Madrid
Fituesi i Benfika – Liverpul VS Fituesi i Vijareal – Bajern Mynih
