Fatmir Mediu, kreu i PR-së, i ka sugjeruar Lulzim Bashës që të dorëhiqet sa më shpejt, duke mbështetur kështu kërkesën e pjesës më të madhe të deputetëve demokratë.
Në emisionin “Radari Informativ”, Mediu ka rrëfyer se para 6 marsit kishte pasur biseda me ish-Kryeministrin sali Berisha dhe me Lulzim Bashën, të cilëve u kishte kërkuar që në zgjedhje të përfaqësoheshin me një kandidat.
“Kishte mospranueshmëri për të ecur bashkë. S’u bëmë palë. Qëndrimi im i vetëm është për opozitë të bashkuar. Në nivel lokal mund t’i bashkonim strukturat politike, si ata të Berishës si ata të Bashës”, tha Mediu.
I pyetur për situatën aktuale në të cilën gjendjet kryedemokrati Lulzim Basha i cili ka mbetur pa mbështetjen e Grupit të tij Parlamentar, Mediu tha se mbështet qëndrimin e shumicës së deputetëve dhe se dorëhqeja duhet dhënë sa më shpejt.
“I kam kërkuar të marrë vendim sa më shpejt dhe sa më racional. Pa e lënë veten të marrin vendim të tjerët për të. Vendimi më racional është dorëheqja”, shtoi ai.
Sipas kreut të PR, në PD duhet të krijohet një bord i përbashkët nga të dyja grupet dhe në krye të vendosen njerëz me autoritetet që kanë kontribuar për PD-në dhe që nuk kanë qëllime të menjëhershme për lidershipin e partisë.
