E Hëna e 21 Marsit do të jetë ditë pushimi për administratën shtetërore.
Vendimi është marrë në mbledhjen e sotme të qeverisë, ku thuhet se kjo ditë pushimi do të zëvendësohet me një nga ditët e tjera që janë pushim, brenda vitit.
Kështu, punonjësit e administratës do të jenë pushim gjatë fundjavës, Të Hënën si dhe të Martën e 22 Marsit, që përkon me Ditën e Nevruzit dhe njihet si festë zyrtare.
Më herët gjatë ditës, kryeministri Edi Rama paralajmëroi se do të bëhet edhe një tjetër mbledhje qeverie që dita e Hënë të bëhet ditë pa makina, “për të kursyer, jo për ekologji”.
