Aktorët Mila Kunis dhe Ashton Kutcher po vazhdojnë të ndihmojnë ukrainasit në nevojë, në mes të pushtimit të Rusisë.
Çifti hollivudian ka bërë të ditur të enjten se kanë arritur qëllimin e tyre, duke mbledhur më shumë se 30 milionë dollarë fonde për Ukrainën.
“Ne thjesht duam të themi se arritëm qëllimin tonë”, ka shkruar aktorja 38-vjeçare Kunis, në një video në Instagram të shpërndarë të enjten.
Ajo dhe Kutcher, 44 vjeç, shtuan se mbi 65,000 njerëz i ndihmuan ata të mblidhnin më shumë se 30 milionë dollarë fonde për Ukrainën.
“Ne jemi të mbytur me mirënjohje për mbështetjen. Dhe ndërsa kjo është larg zgjidhjes së problemit, përpjekja jonë kolektive do të sigurojë të mira për më shumë njerëz ndërsa ata përpiqen për të ardhmen e tyre të pasigurisë”, ka thënë më tej aktorja e Bad Moms, e cila ka lindur në Ukrainë.
Ndërkaq, Kutcher ka thënë se puna e tyre nuk ka përfunduar.
“Puna jonë nuk ka përfunduar. Ne do të bëjmë gjithçka që mundemi për të siguruar që derdhja e dashurisë që erdhi nga të gjithë ju si pjesë e kësaj fushate të gjejë një ndikim maksimal për ata në nevojë”, është shprehur ai.
Gjatë ditës së enjte u raportua se edhe regjisori i famshëm Steven Spielberg dhe bashkëshortja e tij, kanë ndarë 1 milion dollarë për të ndihmuar ukrainasit.
