Elmar Brok, një prej figurave të njohura të Partive Popullore Europiane, është thirrur në Shqipëri nga Lulzim Basha, lidhur me situatën e përplasjeve në PD, për të luajtur një rol negociues mes 3 grupimeve që tashmë janë formësuar brenda partisë më të madhe opozitare.
Por gjatë takimit që ka pasur me ish-Kryeministrin Sali Berisha, ai ka konkluduar se zgjidhja e vetme për PD-në është kandidimi i liderit historik.
Detajet nga biseda me politikanin gjerman janë zbardhur nga Berisha në Task Force në Syri Tv.
“6 marsi dha një mesazh të fuqishëm, bashkimin. Gjer me 6 mars, deputetët, një pjesë e tyre, gjykuan se nuk donin të angazhoheshin në një luftë ndërpartiake mes Berishës dhe Bashës.
Ata, së pari kërkuan largimin e Bashës i cili logon e PD, pas të cilës me 25 prill votuan 39% e shqiptarëve dhe e zbriti në 12%, të largohet. I kërkuan që të gjithë dorëheqjen. Kjo është pozitive. Ana tjetër pozitive është që, kërkojnë bashkimin e partisë dhe jo ndarjen e mëtejshme. Ka të tjerë që kërkojnë të ikë Berisha dhe Basha. Do përgjigjem me fjalët e një mikut tim të huaj.
Erdhi në Shqipëri, mik i vjetër. Elmar Brok tha, Sali erdha me mendimin që të të kërkoj të mos kandidosh, por po largohem me mendimin që, ‘zgjidhja e vetme për PD-në është kandidimi yt’.
Plotësisht. Për të mos thënë edhe gjëra të tjera. Ai bëri një seri takimesh. Ai insiston, dhe unë jam dakord, të bëjmë gjithccka për bashkimin e PD sepse PD është aset. Unë e qartësova, zoti Basha nuk përjashtohet nga PD. Zoti Basha ka të drejtë të kandidojë. Por ai nuk kandidon. Nuk e pyeta për takimin me Bashën”, u shpreh Berisha.
