Deputeti Agon Duka deklaroi në “Open” se tashmë Basha nuk ka aksione në PD dhe duhet të tërhiqet. Sipas tij ai nuk mund të hyjë në negociata me palën tjetër për të bërë bashkimin dhe nëse kjo punë vazhdon me muaj të tjerë, do të ketë kosto.
Ndarja me dy parti, sipas Dukës, nuk do të çonte gjëkundi PD.
Ndërkohë për Berishën thotë se është i vetmi që ka krijuar një kult. Berisha , tha Duka i shërben më shumë opozitës dhe roli i tij ka qenë pozitiv dhe do ishte e fisme nëse ai do të lironte krahun për një të ri.
Më pas Duka tha se tashmë duhet që në krye të PD të jetë dikush që nuk ka pasur konsum në parti dhe nuk do të mund të sulmohej nga mazhoranca.
PD sipas Dukës me një drejtues të ri do të ketë fitore spektakolare në zgjedhjet e ardhshme.
