Akademiku Artan Fuga, përmes një postimi në rrjetet sociale, shpreh shqetësim mbi atë se në protestat qytetare kundër rritjes së çmimeve, asnjë politikan nuk guxon të dalë në tribunë dhe tu flasë njerëzve.
Fuga e konsideron këtë si të tmerrshme, ndërsa shkruan “shoqëri me kokë të prerë”.
Reagimi i Fugës vjen në një kohë kur protesta qytetare ka pasur një mbështetje nga partitë opozitare, por deri më tani, kur ato kanë kaluar javën e parë asnjë prej folësve, të paktën zyrtarisht, nuk rezulton si pjesë e partive politike. Një ditë më parë ish-Kryeministri Sali Berisha tha se mbështet plotësisht protestën, por kjo ishte një kauz e shoqërisë civile, e cila nuk mund të rrëmbehej nga partitë.
Në anën tjetër, Kryeministri Edi Rama ka akuzuar Berishën dhe Presidentin Ilir Meta se po organizojnë protestat, tv cilat kreu i qeverisë i konsideron si në interes të Rusisë.
Postimi nga Artan Fuga
E tmerrshme, asnjë politikan nuk guxon më t’i bashkohet protestës dhe të dali në tribunë t’u flasë njerëzve.
As politikan nga qeveria, as politikan nga shqupi, as nga foltorja, as nga grupi i deputetëve, hiç more fare!
Shoqëri pa përfaqësim politik.
Shoqëria në punë të vet, çmimet në punë të vet, politikanët në aferat e veta!
Një monument me Ali pashain e madh, që ecën përpara me kokën e vet të prerë në dorë, shkon ta kërkojë kokën e vet që e ka në dorë në Stamboll!
Sa do ta doja që një skulptor ta konceptonte dhe ta vinin atje te Varrezat e dëshmorëve të Kombit!
Shoqëri me kokë të prerë!
