Forcat ruse kanë liruar kryebashkiakun e qytetit të Melitopol-it Ivan Fedorov, i cili sipas Ukrainës u rrëmbye javën e shkuar.
Lajmin e lirimit e bëri të ditur një zyrtar i lartë nga zyra e presidentit të vendit Volodymyr Zelenskyy.
“Kryebashkiaku i Melitopolit, Ivan Fedorov, është liruar nga rusët”, tha shefi i shtabit të Zelenskiy, Andriy Yermak në një postim në rrjet.
Ukraina njoftoi se Fedorov u rrëmbye nga forcat ruse të premten e kaluar. Disa pamje nga kamerat e sigurisë tregojnë sesi ai po dilte nga bashkia e qytetit, i rrethuar nga ushtarë rusë.
“Kryebashkiaku i Melitopol është “gjallë, por po e torturojnë” për të deklaruar mbështetjen e tij për Rusinë në një video”, kështu u shpreh presidenti Volodymyr Zelenski në njw dalje pwr mediat mw 12 mars.
Autoritetet ukrainase pretendojnë se Ivan Fedorov u rrëmbye dhe u mor me kokën e mbuluar me një qese plastike.
