Lulzim Basha ka afat deri të enjten për tu larguar, kërkesë kjo që i është bërë publike nga shumica dërrmuese e grupit parlamentar të PD, përfshi këtu edhe mbështetësit e tij më të flaktë, deri në zgjedhjet e pjesshme vendore të 6 marsit, ku sigla e PD me kandidatët e zgjedhur nga Basha, u rendit e 3-ta në 5 nga 6 bashkitë.
Deputetja Grida Duma u shpreh sot se një Komision i përbërë nga përfaqësues të Komisionit të Rithemelimit dhe të PD së mbetur që ndodhet nën drejtimin e Lulzim Bashës, do të ngrihet një Komision, i cili do të marrë atributet për organizimin e zgjedhjeve të brendshme në parti.
“PD nuk duhet të zvogëlohet. E dalë forcë e tretë, personat që i bën dëm PD duhet të tërhiqen pas. I kemi lënë kohë ditën e nesërme për të bërë hapat pas sikundër dhe ai e ka kërkuar.
Nuk ka rrugë tjetër veçse të tërhiqet. Ka një strategji e vetmja ndërtimi i një komisioni nga deputetet e grupit parlamentar dhe ata të foltores të cilët duhet ta çojnë PD te procesi i zgjedhjeve”, tha Duma, e cila vijon ti mbetet qëndrimit që Sali Berisha dhe Lulzim Basha nuk duhet të jenë pjesë e këtij procesi.
Ndërkohë, gjatë seancës së të enjtes në Kuvend, Lulzim Basha mund të përballet me një veprim të hidhur nga deputetët demokratë, të cilët mund të bojkotojnë seancën në momentin që ai të marrë fjalën në Parlament. Të paktën kjo është një nga variantet që qarkullon mes deputetëve që i kanë kërkuar dorëheqjen në dy mbledhjet e fundit tv grupit parlamentar.
