Nën kërcënimin e raketave dhe predhave ruse, kryeministrat e Polonisë, Sllovenisë dhe Republikës Çeke kanë takuar presidentin e Ukrainës, Volodymyr Zelensky, në Kiev.
Tre kryeministrat, Mateusz Morawiecki, Janez Jansa dhe Petr Fiala mbërritën në kryeqytetin ukrainas këtë të martë pasdite vonë, pasi udhëtuan me tren.
Në takim ka qenë i pranishëm edhe kryeministri i Ukrainës, Denys Shmyhal.
Pamjet e takimit janë publikuar në rrjetet sociale.
“Kryeministrat e tre vendeve të BE mbërritën në qytet në emër të këshillit të BE-së”, shkroi në Twitter kryeministri Shmyal, duke vlerësuar “guximin e miqve”.
Udhëheqësit do të diskutojnë për mbështetjen ndaj Ukrainës dhe forcimin e sanksioneve kundër agresionit rus.
