Aranita Brahaj drejtuesja e Open Data, e ftuar në A Show me Adi Krastën në SYRI TV, ka komentuar masat e mara nga qeveria të mara nën presionin e protestave.
Brahaj u shpreh se masat e mara nga Rama janë bolshevizëm dhe se njerëzit e zakonshëm e vunë me shpatulla pas murit kryeministrin me protestën e tyre.
Krasta: Cila nga këto masa nuk të bind dhe ndien se janë bërë për efekt të marrëdhënieve me publikun?
Brahaj: Kryeministri jonë u vu me shpatulla pas murit kur njerëzit dolën në protestë. Në kohën kur nafta kishte shkuar 260 lekë për litër dhe kryeministri së bashku me gjysmën e kabinetit ishte në Dubai, Shqipëria ishte i vetmi vend që qeveria nuk kishte artikuluar asnjë planë masash për njerëzit që jetojnë dhe mbijeton për kafshatën e gojës.
Kryeminsitri pa që njerëzit dolën në rrugë dhe nuk e priste fare këtë protestë qytetare që nuk u organizua nga njerëz tipik politik, por nga njerëz të zakonshëm që dolën dhe i zunë rrugën përpara kryeministrisë.
Bëri shpikjen e tij alla kryeministër dhe tha unë do bëjë ca masa. E para ishte bolshevizëm pasi vërtetë nafta është me një çmim më të ulët por është një rezultat i mirë afatshkurtër por është bolshevizëm me kosto të lartë për taksapuesit.
Kryeministri nuk mori të vlerësonte nëse kishte abuzim, a nxirrej nafta jashtë vendit, a kishte ekzagjerim në marzhin e fitimit etj.
