Shefi i diplomacisë së BE-së, Josep Borrell tha nga Tirana se i shikon me shqetësim ndërhyrjet e Rusisë në Ballkanin Perëndimor.
“Sigurisht që jemi të shqetësuar nga ndërhyrja dhe influenca e Rusisë në Ballkanin Perëndimor. Por kjo nuk është asgjë e re. Por keqinformim rus, dezinformimi rus, një fjalë që përdorim ne sot për propagandën dhe për ato gënjeshtra të cilat janë në formë sistematike, këto janë rritur. E shikojmë, e perceptojmë për shembull shpjegimi që i bëjnë luftës duke thënë se kjo është një mënyrë për të mbrojtur popullin rus që kërcënohet nga gjenocidi i kriminelëve nazist ukrainas, sepse kjo është gjuha që është përdorur nga rusët për Presidentin ukrainas, Zelensky. Është një mjet që po përdoret dhe duhej prerë ky mjet në BE dhe na duhet të mbyllnim këtë dizinformim, jo vetëm për hapësirën në të cilën njerëzit tanë jetojnë, por edhe për mendjen, sepse këto lloj gjërash kanë ndikim te njerëzit. Po, ne na duhet të kuptojmë dhe të përballemi me influencën ruse kudo ku ajo ndodhet në Ballkanin Perëndimor, në disa vende më shumë se në të tjera”, tha Borrel, në një konferencë nga kryeministria me kreun e qeverisë Edi Rama.
“Ne sigurisht jemi të ndërgjegjshëm që Ballkani Perëndimor do të jetë një fushëbetejë për ide, për të ardhmen, për rrugën që do të ndjekin këto vende në të ardhmen. Kjo rigjallëron edhe një herë një proces, i cili para luftës dhe kësaj tragjedie njerëzore, tashmë duket sikur nuk është kaq e rëndësishme sa çka qenë”, shtoi ai.
