Ish-Kryeministri Sali Berisha u shpreh mbrëmjen e sotme se mbështet protestat e qytetarëve që kanë reaguar për shkak të çmimeve të larta, por nuk është ai që i ka organizuar.
“Nuk i kam organizuar unë protestat, as ne si forcë politike. Ne po i mbështesim protestat, pasi është një kauz e drejtë.
Kjo protestë u organizua nga shoqëria civile, por ne nuk mund ti marrim flamurin, kauzën atyre”, tha Berisha në Ora tv.
Berisha tha se po të ishte ai organizatori i protestës do të dilte hapur dhe nuk do të kisha frikë apo ti merrja leje askujt.
Ish-Kryeministri tha se do të mbështeste çdo formë proteste kur ka kauza të drejta.
“Nuk mund ti thuash qytetarëve që po bëjnë punën e Rusisë apo Putinit, sepse ata qytetarë po reagojnë për çmimet”, tha Berisha, duke akuzuar Ramën se po tregon jo vetëm urrejtje ndaj protestuesve, por edhe atë që nuk është mirë nga gjendja psiqike.
Berisha tha se Edi Rama po bën Zëdhënësin e kompanive, ndërkohë që bazuar te direktivat e BE, në Shqipëri duhej të kishte rezerva 3 mujore për naftën dhe grurin.
“Ku është rezerva e naftës? Kompanitë janë të detyruara që të kenë sasinë e naftës të bllokuar për 3 muaj, që janë rezerva”, tha Berisha.
