I ftuar në Task Force në SYRI TV, ish-zëvendës ministri i Financave Sherefedin Shehu ka folur për paketën që ka ofruar Rama për të përballuar rritjen stratosferike të çmimeve.
Shehu theksoi se Rama ka manipuluar për kostot e çmimit të energjisë elektrike pasi nuk tha se sa e kemi koston e prodhimit në Shqipëri kur në ditët më të këqija ne 70-90% e nevojave të vendit ne i prodhojmë në vend.
Gjithashtu Shehu tha se Rama i urren qytetarët dhe nuk do që ti mbrojë sepse në 2014 fasha 300 kilovatshe ishte 7.7 lekë dhe ky e bëri 9.5 lekë pra i hoqi mbrojtjen atyre që duhen mbrojtur.
“Unë mund ta karakterizoj si mungesë të theksuar përgjegjesie nga kryeministri si i vetmi person përgjegjës për ti dhënë zgjidhje këtyre problemeve dhe e dyta është edhe tallje me qytetarët. Kjo nuk është paketë rezistence, e para energjia elektrike që po i kërcënon, ky në fakt e dha alarmin e energjisë atëherë kur nuk kishte nevojë për alarm. Kur tha që do kemi një dimër të vështirë dhe ne po e kalojmë dimrin pa ndonjë vështirësi dhe bilanci energjetik, e para 2021 është viti me prodhimin më të madh të energjisë elektrike madje kemi eksportuar më shumë se kemi importuar por bilanci është negativ pasi kemi eksportuar me çmim të ulët dhe kemi importuar me çmim të lartë.
Sepse kryeministri ka nxjerrë një tabelë me shkrim dore dhe demonstronte se sa po sakrifikonte qeveria për qytetarët dhe aty kishte manipulim të qartë pasi nuk tha se sa e kemi koston e prodhimit në Shqipëri kur në ditët më të këqija ne 70-90% e nevojave të vendit ne i prodhojmë në vend dhe ky mos të na tregojë çmimet e bursave ndërkombëtare, por të na tregojë çmimet pasi është 7.4 lekë për një kilovat/orë kostoja e prodhimit në Shqipëri dhe ske pse jep alarmin për rritjen e çmimet në bursë për një mall që 90% e prodhon në vend. Ti e ke 110% në vend.
Qytetarët, kryeministri i urren dhe nuk do që ti mbrojë sepse në 2014 fasha 300 kilovatshe ishte 7.7 lekë dhe ky e bëri 9.5 lekë pra i hoqi mbrojtjen atyre që duhen mbrojtur. Dhe këtë mbrojtje duhet ta rikthejë sot”, tha Shehu.
